Банкаўскі працэсінгавы цэнтр прыняў удзел у форуме "Тыдзень бізнесу"

20-23 лістапада прайшла найбуйнейшая інтэрактыўная бізнес-падзея Беларусі для сярэдняга і малога бізнесаў, ІП, стартапаў і самазанятых, дзе Банкаўскі працэсінгавы цэнтр выступіў партнёрам.

На рэспубліканскім форуме па бізнесе былі прадстаўлены рэальныя кейсы, заснаваныя на прафесійным вопыце экспертаў, арганізаваны воркшопы, майстар-класы з бізнес-трэкерамі, а таксама прэзентаваны бізнес-стартапы.

Ад Банкаўскага працэсінгавага цэнтра выступілі дырэктар дэпартамента развіцця сеткі Аляксандр Каваленка, а таксама запрошаны Цэнтрам спікер - дырэктар дэпартамента продажаў кампаніі ТАА "АйЭмЛэб" Ірына Пацякіна з тэмай "Сучасныя плацежныя рашэнні для аптымізацыі працы бізнесу: інавацыі і кліенцкі сэрвіс".

Спікеры распавялі аб асноўных кірунках дзейнасці Банкаўскага працэсінгавага цэнтра і сучасных прадуктах кампаніі, якія адпавядаюць зменам у заканадаўстве з 2025 года, асаблівасцях гэтых змен і тэрмінах абнаўлення абсталявання.

Таксама на форуме «Тыдзень бізнэсу» быў арганізаваны стэнд ад Банкаўскага працэсінгавага цэнтра, дзе кожны наведвальнік мог пракансультавацца і падрабязней даведацца пра прадукты і паслугі дэпартамента развіцця сеткі Банкаўскага працэсінгавага цэнтра, зрабіць фота на памяць і атрымаць прыемныя эмоцыі ад атрыманых сувеніраў у падарунак, а таксама згуляць у незвычайную гульню «ТэрмінаЛтар», дзе сілай думкі можна кантраляваць рухі аб'ектаў у гульні.